დავით ჭკადუა არის ეკონომიკური პოლიტიკის კვლევის ცენტრის  (EPRC) ერთ–ერთი დამაარსებელი და დირექტორი (2002-2006). მან დაამთავრა თბილისის სახელმწიფო უნივერსიტეტის მათემატიკის ფაკულტეტი და ასპირანტურის განყოფილება. არის ტოკიოს სახელმწიფო ადმინისტრირების ეროვნული ინსტიტუტის მაგისტრი ეკონომიკური მოდელირების მიმართულებით. ამასთანავე, მიიღო ამსტერდამის უნივერსიტეტის ბიზნესის ადმინისტრირების სკოლის მაგისტრის ხარისხი ფინანსისტის სპეციალობით. არის EPRC-ის საერთაშორისო კვლევითი პროექტების ორგანიზატორი. მიღებული აქვს კვლევითი გრანტები მსოფლიო ბანკიდან, ლონდონის ეკონომიკის სკოლიდან (LSE) – საქართველოსათვის ეკონომიკის პროგნოზირების, CGE-ის მოდელის შექმნისათვის. არის არაერთი სამეცნიერო ნაშრომის ავტორი და საერთაშორისო ექსპერტი. მუშაობს ამსტერდამში (ING) ბანკის რისკების მენეჯმენტის დეპარტამენტის ხელმძღვანელად.

ნინო ევგენიძე არის ეკონომიკური პოლიტიკის კვლევის ცენტრის (EPRC) აღმასრულებელი დირექტორი და “ამერიკული ინტერესი – საქართველოს” გამომცემელი. McCain Institute-თან ერთად ნინო ევგენიძემ დააფუძნა ,,თბილისის საერთაშორისო კონფერენცია”, ხოლო სტენფორდის უნივერსიტეტის დემოკრატიის, განვითარებისა და კანონის უზენაესობის ცენტრთან (CDDRL) თანამშრომლობით შექმნა ლიდერთა განვითარების აკადემია (LAD). ის ასევე არის ფუკუიამას დემოკრატიის ფრონტისპირა ცენტრის თანადამფუძნებელი.

2013 წელს ნინომ დაამთავრა სტენფორდის უნივერსიტეტის დემოკრატიისა და განვითარების პროგრამა. მსოფლიო ბანკის სტიპენდიით სწავლობდა გაერთიანებული ვენის ინსტიტუტის ეკონომიკური პოლიტიკის მართვის ფაკულტეტზე. მიღებული აქვს დიდი ბრიტანეთის მთავრობის სასწავლო სტიპენდია (Chevening Fellow) და მიენიჭა ეკონომიკური პოლიტიკის მართვის მაგისტრის ხარისხი (LSE). ნინო ფლობს ფილოლოგიის მეცნიერებათა დოქტორის ხარისხს თბილისის ივანე ჯავახიშვილის სახელობის უნივერსიტეტიდან. ამას გარდა, არის ჰოლანდიის მთავრობის სტიპენდიანტი (Nuffic Fellow) და მაასტრიხტის უნივერსიტეტში მიღებული აქვს დიპლომი საერთაშორისო პროექტების მენეჯმენტის სპეციალობით.

ნინო ევგენიძე, ,,რადიო თავისუფლების” ყოველდღიური დილის ეკონომიკური გადაცემის წამყვანად მუშაობდა. მას აქვს სახელმწიფო და არასამთავრობო სექტორში მუშაობის მრავალწლიანი გამოცდილება. სხვადასხვა დროს მუშაობდა სახელმწიფო კანცელარიაში – ეკონომიკური რეფორმების ცენტრში მრჩევლად, საქართველოს ანტიკორუფციული პოლიტიკის საკოორდინაციო საბჭოს საზოგადოებასთან ურთიერთობის სამსახურის უფროსად. ამასთანავე, იყო ევროპის საბჭოს საპარლამენტო ასამბლეის მონიტორინგის მისიების მედია კოორდინატორი. ნინო ევგენიძე არის საქართველოში პირველი ბავშვთა ჰოსპისის საბჭოს თავმჯდომარე.

ირინა გურული ეკონომიკური პოლიტიკის კვლევის ცენტრის გუნდს 2011 წლიდან შემოუერთდა. ამჟამად ის ცენტრის აღმასრულებელი დირექტორის მოადგილის პოზიციას იკავებს და პასუხისმგებელია ცენტრის კვლევით საქმიანობაზე.

ირინა გურულს აქვს არასამთავრობო ორგანიზაციებში მუშაობის 15 წლიანი გამოცდილება. წლების მანძილზე ის  მუშაობს საერთაშორისო დონორი ორგანიზაციების მიერ დაფინანსებული პროექტების მართვის, კვლევითი საქმიანობის წარმოების, ტრენინგის და ადვოკატირების მიმართულებით.

ირინა გურული ასევე ეწევა აკადემიურ საქმიანობას. 2015 წლიდან ის არის ილიას სახელმწიფო უნივერსიტეტის მიწვეული ლექტორი, ხოლო 2020 წლიდან იკავებს ასოცირებული პროფესორის თანამდებობას მეწარმეობის მიმართულებით. ირინა ფლობს ბიზნესის ადმინისტრირების დოქტორის ხარისხს ილიას სახელმწიფო უნივერსიტეტიდან, მას აქვს მაგისტრის ხარისხი ბიზნესის ადმინისტრირებასა და ეკონომიკაში იონშოპინგის საერთაშორისო ბიზნეს სკოლიდან (შვედეთი). თბილისის სახელმწიფო უნივერსიტეტში ირინას მიღებული აქვს ბაკალავრის ხარისხი ინგლისური ენის სპეციალისტის კვალიფიკაციით. ირინა არის აშშ-ს სახელმწიფო დეპარტამენტის მომავალი ლიდერების გაცვლითი პროგრამის (FLEX) გამარჯვებული.

თამარ ხორბალაძე ეკონომიკური პოლიტიკის კვლევის ცენტრის (EPRC) გუნდს 2004 წელს შემოუერთდა. წლების განმავლობაში იგი იყო ორგანიზაციის პროექტების კოორდინატორი და ექსპერტი. დამთავრებული აქვს ივანე ჯავახიშვილის სახელობის თბილისის სახელმწიფო უნივერსიტეტის (თსუ) ჟურნალისტიკის ფაკულტეტი. მან გაიარა შვედეთის მედიის უმაღლესი სკოლის (FOJO) გადამზადების კურსები, ასევე, ვენის IMFის ინსტიტუტის კურსი აღმოსავლეთ ევროპის ქვეყნებისთვის ბიუჯეტირებაში;

გავლილი აქვს როიტერის ტრენერების ტრენინგი; მიღებული აქვს მონაწილეობა აშშ-ს საზოგადოებრივი კავშირების პროგრამაში. 1995 წლიდან მუშაობდა გაზეთ “დრონში”, “24საათში”, საზოგადოებრივი მაუწყებლის საინფორმაციო სამსახურში, ჟურნალ “ტაბულაში”, რადიოში “მწვანე ტალღა”. იყო ეკონომიკური მიმომხილველი, ეკონომიკის განყოფილების რედაქტორი, საინფორმაციო სამსახურის აღმასრულებელი პროდიუსერი, გადაცემის წამყვანი. წლების განმავლობაში ასწავლიდა თბილისის სახელმწიფო უნივერსიტეტში ბიზნეს-ჟურნალისტიკას. ასევე იყო UNDP-ის მიწვეული ტრენერი საზოგადოებრივი დამცველისა და მედია-პროგრამებში; ამჟამად ასწავლის თსუ-ში და ილიას სახელმწიფო უნივერსიტეტში, ასევე არის ივანე ჯავახიშვილის სახელობის თბილისის სახელმწიფო უნივერსიტეტის სამეცნიერო პოპულარული ჟურნალის “თსუ მეცნიერება” მთავარი რედაქტორი.

შოთა ღვინერია ეკონომიკური პოლიტიკის კვლევის ცენტრის გუნდს 2017 წელს შეუერთდა უფროსი მკვლევარის ამპლუაში. 2001 წლიდან მას ეკავა სხვადასხვა თანამდებობები საქართველოს საჯარო სამსახურში. ბოლო პერიოდში ის მსახურობდა ეროვნული უშიშროების საბჭოში მდივნის მოადგილის თანამდებობაზე. მანამდე ის მუშაობდა უსაფრთხოების პოლიტიკისა და ნატო-ში ინტეგრაციის საკითხებზე საქართველოს საგარეო საქმეთა სამინისტროს საგანგებო დავალებათა ელჩის პოზიციაზე. შოთა ღვინერია ასევე მუშაობდა საქართველოს თავდაცვის მინისტრის მრჩევლად. 2010-2014 წლებში ის იყო საქართველოს საგანგებო და სრულუფლებიანი ელჩი ნიდერლანდების სამეფოში. ასევე, საგარეო საქმეთა სამინისტროში მას ეკავა ევროპულ საქმეთა დეპარტამენტის დირექტორის და ნატო-ს სამმართველოს თანამდებობები.

2006-2008 წლებში შოთა ღვინერია მივლინებული იყო მრჩევლად ნატო-ში საქართველოს მისიაში. 2015 წელს მას მიენიჭა აშშ-ს ეროვნული თავდაცვის უნივერსიტეტის უსაფრთხოების სტრატეგიულ სწავლებათა მაგისტრის ხარისხი. 2005 წელს ის გახდა მადრიდის დიპლომატიური აკადემიის საერთაშორისო ურთიერთობების მაგისტრი. მანამდე, შოთამ საქართველოს ტექნიკური უნივერსიტეტში მოიპოვა საჯარო მოხელის მაგისტრის წოდება.

გიგი გიგიაძე ეკონომიკური პოლიტიკის კვლევის ცენტრის გუნდს 2021 წლის მარტში შეუერთდა უფროსი მკვლევარის სტატუსით. 2001 წელს მან დაამთავრა საქართველოს ივ. ჯავახიშვილის სახელობის თბილისის სახელმწიფო უნივერსიტეტი საერთაშორისო ურთიერთობათმცოდნის მაგისტრის ხარისხით. სხვადასხვა პერიოდში სწავლობდა გერმანიაში და 1999 წელს ალფრედ ტოეპფერის ფონდის სტიპენდიის ფარგლებში აკადემიური სასწავლო წლის მანძილზე სწავლობდა პოლიტიკურ და სოციალურ მეცნიერებებს ჰამბურგის უნივერსიტეტში.

მას, როგორც კარიერულ დიპლომატს, გააჩნია საქართველოს საგარეო საქმეთა სამინისტროში მუშაობის 24 წლიანი გამოცდილება. 2000 წლიდან მოყოლებული გიგი გიგიაძეს სხვადასხვა თანამდებობები ეკავა სამინისტროს ევროპულ საქმეთა დეპარტამენტში, სადაც თავიდან კურირებდა დასავლეთ ევროპის ქვეყნებთან ორმხრივი ურთიერთობების საკითხებს, ხოლო შემდეგ იყო აღნიშნული დეპარტამენტის დირექტორი.

2014-2016 წლებში საქართველოს საგარეო საქმეთა მინისტრის მოადგილის თანამდებობაზე, გიგი გიგიაძე კურირებდა საქართველოს ორმხრივ ურთიერთობებს უშუალო მეზობლებთან, ევროპის ქვეყნებთან და ევროკავშირთან. ამავე დროს ის იყო ევროკავშირთან სავიზო რეჟიმის ლიბერალიზაციის სამოქმედო გეგმის საკითხებში საქართველოს მთავარი მომლაპარაკებელი.

ხანგრძლივი დიპლომატიური კარიერის მანძილზე გიგი გიგიაძე მსახურობდა საქართველოს დიპლომატიურ მისიებში ათენსა და ბერლინში, სადაც პასუხისმგებელი იყო როგორ ორმხრივ პოლიტიკურ, ასევე საკონსულო საკითხებზე. 2021 წლის მარტამდე გიგი გიგიაძე იყო საქართველოს საგანგებო და სრულუფლებიანი ელჩი დანიის სამეფოსა და ისლანდიის რესპუბლიკაში რეზიდენციით კოპენჰაგენში.

ზაზა შენგელია ეკონომიკური პოლიტიკის კვლევის ცენტრის (EPRC) და ფუკუიამას დემოკრატიის ფრონტისპირა ცენტრის საგამომცემლო პროგრამის ხელმძღვანელი და “American Purpose – საქართველოს” აღმასრულებელი რედაქტორია.

ზაზა შენგელია სორბონის უნივერსიტეტის პოლიტიკური მეცნიერებისა და საერთაშორისო ურთიერთობების ფაკულტეტის კურსდამთავრებულია. ანალიტიკური მუშაობის გამოცდილების გარდა, მას აქვს საგამომცემლო პროექტების მართვის მრავალწლიანი გამოცდილება. ქართულ ენაზე თარგმნილი აქვს მხატვრული და არამხატვრული ლიტერატურა, მათ შორის ფრენსის ფუკუაიამას, ლარი დაიმონდის, ჯონ მაკკეინის და დევიდ კრამერის წიგნები.

მარეხი გურული 2018 წლიდან შეუერთდა ეკონომიკური პოლიტიკის კვლევის ცენტრის (EPRC) გუნდს. მას აქვს სახელმწიფო და კერძო სექტორში მუშაობის მრავალწლიანი გამოცდილება. სხვადასხვა დროს მუშაობდა საქართველოს დაზღვევის სახელმწიფო ზედამხედველობის სამსახურში ნორმატივების დეპარტამენტის უფროსად, სხვადასხვა კერძო სადაზღვევო კომპანიებში რეპორტინგის მენეჯერად, ფინანსურ დირექტორად. დამთავრებული აქვს ACCA და არის მისი წევრი. 2015 წლიდან არის სერტიფიცირებული (რეგისტრირებული) აუდიტორი.

ია შაოშვილი ეკონომიკური პოლიტიკის კვლევის ცენტრის (EPRC) გუნდს 2017 წლიდან შემოუერთდა. მას საქართველოს საჯარო და კერძო სექტორში მუშაობის 12 წლიანი გამოცდილება აქვს. მათ შორის საფინანსო ორგანიზაციებში, კერძოდ: სს „პრივატ ბანკში“ და შპს
“მისო ევრო კრედიტში”. ია შაოშვილი 6 წლის განმავლობაში მუშაობდა სხვადასხვა პოზიციებზე. საჯარო სექტორში, კერძოდ, საქართველოს თავდაცვის სამინისტროს გენერალურ ინსპექციაში მუშაობის პერიოდში ის ჩართული იყო საქართველოს პარტნიორ ქვეყნებთან ორმხრივი თანამშრომლობის გეგმების შემუშავება-განხორციელების პროცესში. ეკონომიკური პოლიტიკის კვლევის ცენტრში ია უზრუნველყოფს ოფისის გამართულ მუშაობას და ასრულებს ადმინისტრაციულ სამუშაოს, ასევე ჩართულია სხვადასხვა პროექტებსა და კვლევებში.

ნიკოლოზ მიქელაძე 2007 წლიდან ეკონომიკური პოლიტიკის კვლევის ცენტრის (EPRC) ფინანსური მენეჯერია. მან დაამთავრა თბილისის ივანე ჯავახიშვილის სახელობის სახელმწიფო უნივერსიტეტი. ნიკოლოზს აქვს მრავალწლიანი საფინანსო/საბუღალტრო გამოცდილება, იგი მუშაობდა სადაზღვევო კომპანია “ტაოს” მთავარ ბუღალტრად.